Заменик-ректорот на Техничкиот универзитет - Варна доц. Павлина Наскова ја посети нашата канцеларија.

На 29.10.2024 година доц. Павлина Наскова, заменик-ректор на Техничкиот универзитет - Варна, ја посети канцеларијата на Здружението за „Македонско-Бугарско пријателство“ во Битола. Претседателката на Здружението Маринела Петреска ја претстави  целокупната активност на организацијата на доц. Павлина Наскова, а поконкретно со работата во областа на образованието. Здружението за „Македонско-Бугарско пријателство“ организира годишни саеми за информирање на кандидат-студентите преку презентација на бугарските високообразовни институции и запознавање со процесот на аплицирање и организирањето на курсеви за подготовка за кандидатско-студентски испити.
Доц. Павлина Наскова ги презентираше студиските специјалитети што ги нуди ТУ-Варна, вклучително и магистерските и докторските програми. Таа изрази надеж за поблиска соработка меѓу Техничкиот универзитет – Варна и Здружението за „Македонско-Бугарско пријателство“ во Битола, а го покани раководството на Здружението на посета за да подготви и потпише меморандум за идна соработка.

by Angela

Се одржа креативна работилница под мотото „Игрите на нашето магично детство“.

На 27 октомври 2024 година, во градскиот парк Битолско Чупе во Битола, Неделниот центар „Искра“ на Здружението „Македонско-Бугарско пријателство“ одржа креативна работилница под мотото „Игрите на нашето магично детство“. Децата возбудено ги слушаа приказните на нивните мајки и баби за нивното детство и за тоа колку се разликувале од сега. Работилницата не врати во времето кога немаше таблети, паметни телефони и компјутерски игри кои децата ги користат денес. Сите деца уживаа играјќи ги игрите: криенка, скокање со ластик, народна топка, слепа баба, топло-ладно; скокање на јаже и други.
Во знак на пријателство, децата ги нацртаа рацете на уметничка хартија. На крајот од работилницата сите го исчистивме местото каде што создававме и игравме, како пример на децата да ја одржуваат природата чиста.
На настанот присуствуваше и генералниот конзул на Р.Бугарија во Битола, г-дин Николај Димитров.
Заштитете ја природата и животната средина, излезете пред зграда, одете во парк и играјте со децата!

by Angela

Се одржа дисеминација на проектот ,, Повишување на медиумската писменост и нетолеранција кон лажните вести на младите, со развивање на нивното критичко размислување“.

На 06 октомври 2024 г. во просториите на Здружението за "Македонско- Бугарско пријателство" се одржа дисеминација на проектот ,, Повишување на медиумската писменост и нетолеранција кон лажните вести на младите, со развивање на нивното критичко размислување“. Учесниците во проектот имаа задача да ја разбудат нивната креативна страна и да направат едукативни банери со нивни пораки користејќи ги стекнатите знаења од предходните две активности по проектот. Заеднички заклучок од проектот е дека младите имат свое изразено критичко мислење, длесно не подпаѓаат на првични информации и бараат начин да ги проверат истите. Проектот дополнително ги разви нивните знаења за сето тоа да го прават на професионален начин и создаде во нив вештини за детектирање на лажната информација.

by Angela

Се одржа втората фаза на проектот ,, Повишување на медиумската писменост и нетолеранција кон лажните вести на младите, со развивање на нивното критичко размислување“.

На 20.09.2024 во просториите на Здружението за “Македонско- Бугарско пријателство“ Битола се одржа втората фаза на проектот ,, Повишување на медиумската писменост и нетолеранција кон лажните вести на младите, со развивање на нивното критичко размислување“. На дводневниот образователен семинар имавме почесни гости, а во едно и лектори од Универзитетот за национално и световно стопанство-Софија, доц. д-р Стела Ангова и доц. Марија Николова. Тие ги запознаа учесниците во проектот со нивниот оддел,, Медиуми и јавни комуникации" кон университетот што го представуваат. Двете лекторки ги представија темите “Стереотипи и медиуми” и “ Медиумска и информациска писменост во ерата на вештачката интелегенција”. Со нивните нови знаења за тоа како можат стереотипите да влијаат врз луѓето и на медиуми, а исто така и како може лажните вести да се создадат преку различни апликации и преку употреба на вештачката интелегенција, учесниците го развија своето критично мислење и ги научија правилните алатки за детектирање на лажни вести и AI. Тие активно се вклучија во работилницата, на која преку апликацијата Kahoot! имаа задача да препознаат дали веста е лажна или има вклучена вештачка интелегенција (AI) во неа. Учесниците со најдобри резултати добија награди. На отворањето на проектот присуствуваше и генералниот конзул на Република Бугарија во Битола г-н Николај Димитров.

by Angela

Стартиравме првата фаза на проектот ,, Повишување на медиумската писменост и нетолеранција кон лажните вести на младите, со развивање на нивното критичко размислување“

На 10.07.2024 во просториите на Здружението за “Македонско- Бугарско пријателство“ стартиравме првата фаза на проектот
,, Повишување на медиумската писменост и нетолеранција кон лажните вести на младите, со развивање на нивното критичко размислување“. Во дводневниот образователен семинар се вклучија 16 млади луѓе од Битола. Семинарот започна со ice-breaking сесија во која учесниците одговараја на прашања поврзани со нивната секојдневна социјална активност. Учесниците во проектот преку презентација на тема “Европската Унија и лажните вести “ се здобија со дополнителни вештини и компетенции. Со нивните нови знаења, учесниците активно се вклучија во работилницата и преку неа научија колку е лесно да се создаде лажна вест и како таја рефлектира на општеството.
Преку дводневниот семинар младите научија алатки и методи за детектирање на лажните весри и развија своето критично мислење.

by Angela

Посета на хосписот за стари лица "Сју Рајдер " по повод божиќните празници

По повод претстојните божиќни празници, Здружението за ,,Македонско-Бугарско пријателство" - Битола во соработка со Организација на жени од општина Битола, беше во посета на хосписот за стари лица “Сју Рајдер”.
На сите возрасни лица подаривме коледни картички и сурвачки изработени во творечката работилница од децата учесници во нея. Вештите раце на нашите членки на здружението и членките од организацијата на жени од општина Битола беа приготвиле вкусни домашни традиционални коледни јадења, со кои почастивме сите луѓе кои живеат во домот. Голема благодарност до вработените во хосписот кои прифатија оваа наша инициатива и нивните напори за се во Хосписот да функционира беспрекорно. Радоста и благодарноста во очите на возрасните луѓе е нашата нај голема среќа за големиот христијански празник, а и мотив наскоро повторно да ги посетиме.

by Angela

Одржана детска креативна работилница по повод претстојните божиќни и новогодишни празници

По повод претстојните божиќни и новогодишни празници, на 12 декември 2023 година, од едукативниот центар „Искра“ во салата на Здружението за „Македонско-бугарско пријателство“ се одржа детска креативна работилница.На работилницата децата дознаа за бугарскиот обичај на сурвака, кои се нејзините симболи, значење и како се прави сурваката.

На работилницата зборувавме и за важноста на Божиќните и Новогодишните честитки како дел од подготовките за празниците.Умешните раце на децата и нивната креативност создадоа прекрасни новогодишни честитки и традиционална сурвака од дренка украсена со волна, пуканки и паричка.

Детските творби ќе бидат изложени на божикната прослава што ќе ја организира Генералниот конзулат на Република Бугарија во Битола.Сите едногласно одлучивме пред Божиќ, божиќните честитки изработени од децата да им бидат врачени во Домот на стари лица во Битола, како и со овој мал гест се надеваме дека ќе внесеме топлина и радост во срцата на овие луѓе.

by Angela

ВАЖНА ИНФОРМАЦИЈА ЗА СИТЕ КАНДИДАТ-СТУДЕНТИ

ВАЖНА ИНФОРМАЦИЈА ЗА СИТЕ КАНДИДАТ-СТУДЕНТИ!!!
Министерство на образование и наука на Република Бугарија организира информативна средба за промоција на високо образование во Републила Бугарија. Средбата ќе се одржи на 08.12.2023г. од 11-15ч во хотел ,,Милениум" на ул. Широк Сокак бр. 48.
Поканети се сите идни студенти и нивните родители, кои се заинтересирани да студираат во бугарските високообразовни институции. Тие ќе можат на лице место да се информираат за условите и начините за студирање во Република Бугарија, според уредба бр.103 и уредба бр.228.
ПОВЕЛЕТЕ!

by Angela

Отворивме нова фитнес сала во државниот училишен дом „Мирка Гинова“ во градот Битола

На 4ти декември 2023г. Здружението за ,,Македонско-Бугарско пријателство" од Битола реализира проект по програмата ОПР финансиран от Министерството за надворешни работи на Р. Бугарија.
Со проектот “Здраво тело,здрав дух,здрав живот” се опреми фитнес сала во државниот училишен дом “Мирка Гинова”. Целта на проектот е да инвестираме во правилниот раст и развој за одржување на здравјето на сите 300 ученици кои што престојуваат во интернатот, како што и да ги дистанцираме од пороците на 21-от век.
На свеченото отварање присуствуваше и Генералниот конзул на Р. Бугарија во Битола, г-н Николај Димитров.
Здружението за ,,Македонско-Бугарско пријателство" преку програмата ОПР на Министерството за надворешни работи на Р. Бугарија веќе четврта година по ред реализира трајни и одржливи проекти наменети за младите во град Битола.

by Angela

Конкурс за есеј на тема: „Европа за која сонуваме“

ПОКАНА

за учество на конкурс за избор на учесници по проект бр.2023-1-BG01-KA151-YOU-000122741, кофинансиран од програмата Еразмус+

„Здружението за македонско-бугарско пријателство“ град Битола, Република Северна Македонија заедно со Фондацијата Бугарска Памет и „Заедницата на Бугарите во АТО Гагаузија“ град Комрат, Република Молдавија спроведува проект бр. 2023-1-BG01-KA151- YOU-000122741, кофинансиран во рамките на програмата „Еразмус +“, клучна активност 1.

Во рамките на проектот ќе се одржи петдневна младинска размена на тема „Европски вредности за повеќе Европа и поврзување со Западен Балкан и Источното партнерство“

Во таа насока, распишуваме конкурс за есеј на тема „Европа за која сонуваме“

Како да учествувам?

Пријавувањето на конкурсот се врши со изработка на есеј на дадената тема, кој треба да се испрати на e-mail: myeurope@bgmf.eu во наведениот рок.

Кој може да учествува?

Натпреварот е наменет за млади од 15-24 години. од Југозападна Бугарија, Република Северна Македонија и Република Молдавија.

Зошто?

Избраните учесници ќе имаат можност да учествуваат на младинска размена, која ќе се одржи во градот Софија во периодот 6-10.11.2023 година.

Колку долго?

Ве молиме до 22.10. 2023 година, на адресата за е-пошта: myeurope@bgmf.eu, за да ги испратите вашите есеи.

Доколку имате какви било прашања или ви требаат информации, можете да ја контактирате г-ѓа Маринела Петреска, prijatelstvo_mb@yahoo.com, телефон +389 70 339 536

* Овој проект е финансиран со поддршка на Европската комисија. Оваа публикација ги одразува само личните ставови на нејзиниот автор и Комисијата не може да биде одговорна за употребата на информациите содржани во неа.

by ambf